Lögreglan á Suðurnesjum hefur á undanförnum dögum haldlagt nokkurt magn af meintu amfetamíni og kannabisefnum. Í skeyti frá lögreglu kemur fram að í bifreið sem stöðvuð var vegna gruns um að ökumaður æki undir áhrifum fíkniefna hafi fundist meint amfetamín. Farþegi játaði að eiga efnin.

Í húsnæði í umdæminu, sem leitað var í að fenginni heimild,  fundust kannabisefni og játaði húsráðandi eign sína á þeim.

Þá framvísaði karlmaður pakkningu með hvítu dufti í þegar lögregla hafði tal af honum fyrir utan skemmtistað.

Annar karlmaður var fluttur með sjúkrabifreið á Heilbrigðisstofnun Suðurnesja eftir að hann veiktist hastarlega. Hann kvaðst hafa neytt amfetamíns. Í fórum hans fundust sprautur, nálar og meint fíkniefni.