Karlmaður hefur verið ákærður fyrir sérstaklega hrottalega nauðgun sem er sögð hafa átt sér stað í Reykjavík í fyrra. Málið var þingfest í Héraðsdómi Reykjavíkur í morgun. Bæði nöfn og staðsetning árásarinnar hafa verið hreinsuð út úr ákærunni.
Í ákærunni er maðurinn sagður hafa komið á eftir konunni inn í herbergi á ónefndum stað.
Því næst er atvikinu lýst svo: „[maðurinn] læsti hurðinni og tók um mitti hennar, snéri henni við, reif niður um hana buxurnar og þvingaði hana til samræðis og endaþarmsmaka auk þess að notfæra sér að [hún] gat ekki spornað við verknaðinum sökum áhrifa áfengis.“
Af þessu hlaut konan sprungu við endaþarmsop og mar á hægri síðu. Konan krefst þess að maðurinn verði dæmdur til að greiða 2,5 milljónir í miskabætur.
