Lára Ómarsdóttir fréttamaður á RÚV óskar eftir ábendingum um hvar vespa sonar hennar er niðurkomin eða eftir annarri sömu tegundar til kaups. Óprúttnir aðilar gerðu sér lítið fyrir og stálu vespu og hjálmi sonarins úr læstri geymslu, en bæði hafði sonurinn keypt sjálfur fyrir fermingarpeningana sína.

Tryggingar bæta tjónið aðeins að hluta, þar sem ekki var brotist inn í geymsluna, heldur var þjófurinn með lykil. „Öðru máli hefði skipt ef einhver hefði brotist inn, þá hefði hún verið bætt að fullu,“ segir Lára,

Vespuþjófnaðir munu vera algengir og í viðtali við föður tveggja barna síðastliðið sumar, þar sem fjölskyldan hafði orðið fyrir þjófnaði á vespum í þrígang sagði hann: „Þetta virðist vera daglegt drauð hjá þessum krökkum. Ég veit ekki hvað þetta er, þetta er tekið til að taka það og skemmt, ekki til að nota.“