fbpx
Miðvikudagur 22.maí 2019

DV - Frjáls og óháður miðill

Fréttir

Skattrannsóknarstjóra hótað og reynt að múta honum – Pólitískum afskiptum hótað

Kristján Kristjánsson
Fimmtudaginn 17. janúar 2019 07:50

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Bryndísi Kristjánsdóttur, skattrannsóknarstjóra, hefur verið hótað og reynt hefur verið að múta henni vegna rannsókna sem embætti hennar hefur unnið að. Einnig hefur ættingjum starfsfólks embættisins verið hótað atvinnumissi vegna rannsóknar embættisins. Þá hefur embættinu verið hótað pólitískum afskiptum í einstökum málum.

Þetta kemur fram í viðtali við Bryndísi í Viðskiptablaði Morgunblaðsins í dag. Þar er haft eftir Bryndísi að henni hafi verið hótað og reynt hafi verið að múta henni. Hún segir að sönnunarfærsla í málum sem þessum sé erfið enda séu slíkar hótanir yfirleitt ekki settar fram í vitna viðurvist eða skriflegar.

„En þetta er auðvitað bara svona og hluti af þessu. En stofnuninni sem slíkri hefur verið hótað, og okkur hefur verið hótað pólitískum afskiptum í einstökum málum. Ég er ekki að segja að það hafi átt sér stað. En því hefur verið hótað.“

Segir Bryndís sem nefnir eitt dæmi um hvernig reynt var að múta henni:

„Það eru reyndar svolítið mörg ár síðan það var en þá var það þannig að mér var boðið að drekka frítt á einum bar niðri í bæ í eitt ár gegn því að mál yrði fellt niður. Einhverjir hefðu kannski freistast til þess. Þetta er náttúrlega bara hluti af þessu starfi. Það er auðvitað mitt starf og okkar hérna að láta þetta ekkert á okkur fá. Þetta hefur engin áhrif á það hvernig við tökum á málum og hvort við tökum á málum eða ekki. Ég fullyrði það og stend og fell með því. Það eru engin svona afskipti sem hafa áhrif á það hvernig við tökum á málum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 9 klukkutímum

Forstjóri Sýnar botnar ekkert í RÚV: „Kostulegt og kannski efni í áramótaskaup ef út í það er hugsað“

Forstjóri Sýnar botnar ekkert í RÚV: „Kostulegt og kannski efni í áramótaskaup ef út í það er hugsað“
Fréttir
Fyrir 11 klukkutímum

Laus úr fangelsi eftir að hafa bitið tunguna úr eiginmanni sínum í Reykjavík

Laus úr fangelsi eftir að hafa bitið tunguna úr eiginmanni sínum í Reykjavík
Fréttir
Fyrir 14 klukkutímum

Tveir hafa kvartað vegna Sigríðar: Telja hana vanhæfa til að sitja í nefnd um ráðningu nýs seðlabankastjóra

Tveir hafa kvartað vegna Sigríðar: Telja hana vanhæfa til að sitja í nefnd um ráðningu nýs seðlabankastjóra
Fréttir
Fyrir 15 klukkutímum

Hótaði að berja starfsfólk verslunarinnar ef hann fengi ekki nammipokann aftur

Hótaði að berja starfsfólk verslunarinnar ef hann fengi ekki nammipokann aftur