fbpx
Fimmtudagur 18.september 2025
Fréttir

Bára gefur lítið fyrir skýringar Sigmundar Davíðs á selahljóðinu á Klaustri – „Hljóðið var framkallað innanhúss“

Kristján Kristjánsson
Föstudaginn 7. desember 2018 08:16

Bára Halldórsdóttir

Ekki missa af Helstu tíðindum dagsins í pósthólfið þitt

Lesa nánar

Bára Halldórsdóttir, 42 ára öryrki og fjölskyldukona, stígur fram í forsíðuviðtali Stundarinnar í dag en hún er hinn svonefndi „Marvin“ sem kom hinum umtöluðu leyniupptökum af barnum Klaustri til fjölmiðla. Upptökur sem hafa nánast sett íslenskt samfélag á hliðina. Í viðtali við Stundina segist Bára gefið lítið fyrir skýringar Sigmundar Davíðs á selahljóðinu sem einhver þingmannanna sex gerði til að gera grín að Freyju Haraldsdóttur.

Í viðtalinu segir Bára að hún hafi ekki áttað sig á því fyrr en síðar að þingmennirnir voru að tala um Freyju.

„Þegar ég sá þetta í DV og áttaði mig á þessu þá fór ég í ofboðslegt tilfinningauppnám, fyrst og fremst yfir því að Freyja þyrfti enn og aftur að sitja undir þessu. Þessi selslíking er svo rætin og ljót.“

DV skýrði frá því 29. nóvember að einhver þingmannanna hefði gefið frá sér undarlegt hljóð sem virtist líkjast selshljóði. Sigmundur Davíð hefur vísað þessu á bug og sagt að hljóðið hafi ekki komið frá manneskju. Í símtali við Freyju sagði hann að hljóðið hlyti að hafa verið stóll að hreyfast. Fréttamaður Stöðvar 2 fór á vettvang en reyndist ómögulegt að framkalla samskonar hljóð og heyrðist á upptökunni. Í kjölfarið breyttist skýring Sigmundar yfir í að hljóðið hlyti að hafa komið frá bíl sem var að hemla fyrir utan Klaustur.

„Ég heyrði þetta hljóð og kipptist við. Það er alveg ljóst að þetta hljóð var framkallað innanhúss og það kom úr þeirra átt. Ef þetta var reiðhjól eða bíll að bremsa, þá hlýtur reiðhjólið eða bíllinn að hafa verið inni í herberginu, inni á Klaustri Bar. En ég sá engan bíl og ekkert hjól.“

Segir Bára í Stundinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Framhaldsskólanemi gagnrýnir Höllu fyrir fund með forseta Kína – „Einstaklega grimmur einræðisherra“

Framhaldsskólanemi gagnrýnir Höllu fyrir fund með forseta Kína – „Einstaklega grimmur einræðisherra“
Fréttir
Í gær

Hildur kallar eftir að borgaryfirvöld staðsetji sig í raunheimum – „Fullkomlega óraunhæft og stenst ekki kröfur venjulegs fólks“

Hildur kallar eftir að borgaryfirvöld staðsetji sig í raunheimum – „Fullkomlega óraunhæft og stenst ekki kröfur venjulegs fólks“
Fréttir
Í gær

Fluttur á bráðamóttökuna eftir vinnuslys

Fluttur á bráðamóttökuna eftir vinnuslys
Fréttir
Í gær

Sanna las um það í fjölmiðlum að hún ætti að segja sig úr flokknum – „Ekki fengið tölvupóst, símtal né SMS“

Sanna las um það í fjölmiðlum að hún ætti að segja sig úr flokknum – „Ekki fengið tölvupóst, símtal né SMS“
Fréttir
Fyrir 2 dögum

Gauti telur að fíkniefni ættu að fást í sérverslunum – „Ekki að segja að það eigi að vera aðgengilegt í matvöruverslunum eins og Melabúðinni“

Gauti telur að fíkniefni ættu að fást í sérverslunum – „Ekki að segja að það eigi að vera aðgengilegt í matvöruverslunum eins og Melabúðinni“
Fréttir
Fyrir 2 dögum

Formaður Afstöðu vill náða Kourani strax – Ástæðan er einföld

Formaður Afstöðu vill náða Kourani strax – Ástæðan er einföld