Á ellefta tímanum í gærkvöldi var maður handtekinn í veitingahúsi í miðborginni en hann mun hafa verið að ráðast að fólki. Hann var vistaður í fangageymslu. Á öðrum tímanum í nótt var ofurölvi maður handtekinn á veitingahúsi í Breiðholti. Hann var vistaður í fangageymslu.

Á þriðja tímanum í nótt var ofurölvi kona handtekin þar sem hún lá á gangstétt í Bústaðahverfi. Ekki reyndist unnt að aka konunni heim og því þurfti að vista hana í fangeymslu.

Tveir ökumenn voru handteknir í gærkvöldi grunaðir um akstur undir áhrifum fíkniefna. Annar þeirra er einnig grunaður um akstur undir áhrifum áfengis og vörslu fíkniefna.

Þrír ökumenn voru handteknir í nótt grunaðir um ölvun við akstur.

Tveir ökumenn sáu á eftir skráningarnúmerum bifreiða sinna í gærkvöldi en þær reyndust vera ótryggðar og því voru númerin fjarlægð. Einn ökumaður var stöðvaður í gærkvöldi en sá reyndist vera sviptur ökuréttindum og var um ítrekað brot hans að ræða á sviptingunni.