Líkt og DV greindi frá í fyrradag þá var Ólafi Ísleifssyni þingmanni Flokks fólksins boðið að skipta um flokk og gerast þingflokksformaður á alræmdum fundi á barnum Klaustur. Það var í því samhengi sem Inga Sæland var kölluð „húrrandi klikkuð kunta“.
Það er ef til vill lýsandi að rétt áður en þau orðaskipti eiga sér stað þá vitna þingmennirnir í leikarann og kraftajötuninn Arnold Schwarzenegger. „Ekki vera stelpustrákur,“ segir Bergþór Ólason meðan Sigmundur vitnar í kvikmyndina Sannar lygar, True Lies. Þeir hafa verið sakaðir um grófa kvenfyrirlitningu á fundinum. Hér fyrir neðan má hlusta á upptökuna.
Sigmundur: Svo ég vitni í Arnold Schwarzenegger úr True Lies… „WHAT A TEAM!“
Bergþór: Nú ætla ég bara að segja eitt. Þú manst hvað Schwarzenegger segir? Óli?
-I’ll be back?
– Talk to the hand?
Bergþór: „Don‘t be a girly man!“
„Don‘t be an economic girly man,“ sagði hann líka.
Bergþór: Mig langar alveg óskaplega mikið til þess að vinna nánar með ykkur en við erum búnir að vinna, sem hefur verið mjög gott.
Ég held að staða ykkar tveggja verði miklu mun traustari innan Miðflokksins heldur en hún verður innan Flokks fólksins.
Ég er bara að biðja ykkur um að hugsa um þetta, því í mínum huga er eiginlega alveg öruggt að þið verðið áfram þingmenn fyrir Flokk fólksins í næstu kosningum.
En þetta snýst allt um, og ég held við séum öll í þessum slag til að láta gott af okkur leiða, og það eru miklu meiri líkur til þess að það gerist undir merkjum Miðflokksins heldur en Flokks fólksins af því að þið eruð með þessa húrrandi klikkuðu kuntu sem formann Flokks fólksins, sem þið ráðið ekkert við.
Þið ráðið ekkert við hana. Segið mér ef ég hef rangt fyrir mér. Ég myndi ekki ráða við hana, Sigmundur myndi ekki. Hún er fokking crazy. Komið til okkar.
