Morgunblaðið skýrir frá þessu. Haft er eftir honum að hvalfriðunarfólk hafi fylgst með starfseminni í Hvalstöðinni í sumar. Það hafi myndað þetta og streymt um víðan heim.
„Ég hef fengið fyrirspurnir frá Vestur-Afríku þar sem fólk líður víða vegna hungurs, en stórir hvalastofnar eru úti fyrir ströndunum. Þeir sem hafa álpast inn á þessar síður hafa séð hversu mikið af kjöti er á þessum dýrum og hafa leitað til mín um upplýsingar um hvað þurfi að gera til að geta byrjað að veiða hval. Ég hef sagt þeim að ég geti hjálpað þeim að komast af stað þannig að þessar myndir virðast hvetja til hvalveiða.“
Er haft eftir Kristjáni og miðað við orð hans virðast aðgerðir hvalfriðunarsinna vera að auka áhugann á hvalveiðum.