Nú eru tæpir fjórir mánuðir til jóla og líklegast fæstir farnir að huga að því að undirbúa hátíðina. Verslunin Costco ætlar hins vegar ekki að missa af neinu þetta árið og hóf að selja jólavörur um helgina.
Málið er til umræðu á Costco grúppunni á Facebook, Costco – gleði sem telur rúmlega 30 þúsund manns.Sitt sýnist hverjum um tímasetninguna og eru margir notendur ósáttir við verslunina.
Einn notandi bendir á að nú sé sumar. „Vá. Róa sig. Wtf. Það er enn sumar for christ sake,“ skrifar einn ósáttur notandi. Annar ósáttur notandi bendir á þá staðreynd að í dag séu tæpir fjórir mánuðir til jóla. „Er ekki allt í lagi hjá þeim það eru 4 mánuðir til jóla.“
Eins og áður segir eru skiptar skoðanir um málið og bendir einn notandi á að Bandaríkjamenn séu vanir að hugsa fram í tímann. „Íslendingar eru vanir að gera allt á síðustu stundu. Kaninn hugsar fram í tímann.“
