Fjölmiðlamaðurinn Logi Bergmann Eiðsson útskrifaðist í gær frá Háskóla Íslands með BA gráðu í stjórnmálafræði. 25 ár eru síðan Logi byrjaði í náminu og áfanginn því afar kærkominn. Stjórnmálafræðingurinn Ólafur Þ. Harðarson segir frá þessu á Facebook-síðu sinni.
„Glaður og gráhærður prófessor fagnar brautskráningu eins af uppáhaldsnemendum sínum – eftir 25 ár. Er sagt að ég hafi verið svarthærður þegar Logi Bergmann hóf nám hjá mér,“ skrifar Ólafur í færslunni sem sjá má hér að neðan.
Logi sem um árabil hefur verið einn dáðasti fjölmiðlamaður þjóðarinnar hóf nýlega störf hjá Árvakri, útgáfufélagi Morgunblaðsins.
https://www.facebook.com/permalink.php?story_fbid=1737473556306619&id=100001319735447
