Björt Ólafsdóttir, formaður Bjartrar framtíðar, greinir frá því á Twitter að hún hafi einfaldlega farið að grenja við að lesa frétt DV þar sem greint var frá orðum þýska blaðamannsins Daniel Schuler um íslenska landsliðið.
Sjá einnig: Þýskur blaðamaður orðlaus yfir strákunum utan vallar: Segir þá vera heimsmeistara á mikilvægasta sviðinu
Schuler hrósaði landsliðinu fyrir að vera heimsmeistarar í að sýna samkennd. Líkt og greint var frá á dögunum sendu strákarnir nígeríska markverðinum Carl Ikeme falleg skilaboð í vikunni. Ikeme, sem er 32 ára markvörður Wolves á Englandi, greindist með krabbamein á síðasta ári og háir nú sína erfiðustu baráttu til þessa.
Björt lýsir upplifun sinni af því að lesa um þetta svo: „Fór að grenja þegar ég las þetta, standandi í röð í timbursölu Byko. Mitt fólk iðnaðarmennirnir skildu mig fullkomlega.“
