Landspítalinn varði 84 milljónum króna í laun, launatengd gjöld og annan rekstrarkostnað presta og djákna við spítalann í fyrra, alls eru níu prestar eða djáknar eru starfandi við Landspítalann og sinna sálgæslu við spítalann. Fréttablaðið greindi frá þessu í gær og vakti fréttin hörð viðbrögð víða í netheimum, telja margir að með þessu sé spítalinn ekki að forgangsraða fjármunum í þágu sjúklinga.

Hildur Eir Bolladóttir, prestur á Akureyri, er þekkt fyrir að standa ekki á skoðunum sínum og setur stórt spurningamerki við þetta, í hæðnistón, á Fésbók:

„Ha í alvörunni?????? Er verið að eyða öllum þessum pening í einhverja kuklara sem þykjast vera með eitthvað 6- 7 ára nám í að veita fólki áfallahjálp, sálgæslu og sálrænan stuðning,“ spyr Hildur og veltir fyrir sér hvort það væri ekki nær að kaupa kvíðastillandi lyf fyrir þessa upphæð:

„Væri ekki nær að kaupa bara Sobril fyrir sama pening og segja þessum trúarnötturum að hypja sig út af spítalanum, ég spyr nú bara, þarf alltaf að vera samtal? Þarf alltaf að vera nærvera? Er ekki bara hægt að bjóða upp á einhverja deyfingu?“