Tómas Guðbjartsson

2.984.470kr. á mánuði.

Tómas Guðbjartsson, eða Lækna-Tómas, prófessor í skurðlækningum við Háskóla Íslands, átti erfitt ár í fyrra. Í byrjun nóvember var hann sendur í leyfi frá störfum á Landspítalanum eftir að sérfræðinganefnd birti niðurstöður úr hinu svokallaða plastbarkamáli. Í því máli höfðu þó margir samúð með Tómasi sem var blekktur af ítalska lækninum Paolo Macchiarini og leiddi það til andláts sjúklings.

Tómas, sem sneri aftur til starfa um áramót, sagði að ekkert mál hefði haft jafn mikil áhrif á hann og hann hefur reynt að bæta fyrir þau mistök sín að treysta Macchiarini. Til dæmis í apríl þegar hann reyndi að hafa upp á ekkju mannsins sem lést og veita henni fjárhagsaðstoð.