Bragi Páll Sigurðarson pistlahöfundur vakti mikla athygli fyrir beitt skrif sín á Stundinni um landsfund Sjálfstæðisflokksins síðustu helgi og var hann gagnrýndur harðlega, meðal annars af þingmönnum flokksins. En hvað segir pabbi mannsins sem gerði alla Sjálfstæðismenn landsins brjálaða?

„Við erum ekki sammála í pólitík við Bragi Páll, en við erum þeim mun betri vinir þegar við hittumst,“ segir Sigurður Páll Jónsson, þingmaður Miðflokksins og faðir Braga Páls.

„Hann hefur áður skrifað beitta pistla. Hann er mikill listamaður, enda er hann að klára ritlist núna í vor. Hann hefur alltaf verið mikið fyrir bókina.“

Hefur hann alltaf verið beittur?

„Já, í skrifum sínum. Hann er manna prúðastur þegar maður er með honum einhvers staðar, en hann hefur sterkar meiningar og er háðskur. Ég sá húmorinn hans þarna.“