Mörg börn meðal hinna látnu
Ian Hopkins, yfirlögregluþjónn í Manchester, ræddi við fréttamenn fyrir stundu um sprenginguna í Manchester Arena í gærkvöldi. Hann staðfesti að 22 væru látnir og þar á meðal væri árásarmaðurinn en hafi borið sprengiefni á sér og sprengt það með þessum hörmulegu afleiðingum. Hopkins sagði að börn væru á meðal hinna látnu en gat ekki sagt til um aldur þeirra.
59 særðust í árásinni. Hopkins sagði að um 400 vopnaðir lögreglumenn hafi verið sendir á vettvang i gærkvöldi. Unnið var að rannsókn málsins í alla nótt og að henni verður haldið áfram af fullum þunga í dag. Öryggisgæsla hefur verið hert í Manchester og víða annars staðar í Bretlandi. Vopnaðir og óvopnaðir lögreglumenn munu verða mjög sýnilegir víða, þar á meðal í samgöngukerfinu, lestum og strætisvögnum.
Hopkins sagði að þetta væri það hryllilegasta sem lögreglan í Manchester hefur þurft að takast á við. Hann vildi ekki segja til um þjóðerni árásarmannsins.