Alþýðufylkingin
Þorvaldur Þorvaldsson
1. „Ég hef ekki kynnt mér það nægilega vel en við höfum stutt tillögur um skaðaminnkun sem Píratar lögðu fram á sínum tíma.“
2. „Fyrst og fremst að afglæpavæða neysluna en beita sér gegn dreifingu efnanna. Við munum hugsanlega móta ítarlegri stefnu á næstunni.“
3. „Nei, reyndar ekki. Ég kynntist þessu þegar ég var ungur maður og fannst þetta ekki áhugavert. Ég leiddi þetta hjá mér þegar ég lenti í slíkum aðstæðum og lét mig hverfa.“
Björt framtíð
Óttar Proppé
1. „Ég styð afglæpavæðingu og skaðaminnkandi úrræði. Mér finnst þetta frumvarp ganga of langt eins og það er sett fram.“
2. „Skaðaminnkandi úrræði eru mikilvæg og afglæpavæðing er hluti af því að koma í veg fyrir einangrun neytenda kannabisefna.“
3. „Já ég hef prufað kannabisefni þegar ég var yngri og bjó í Bandaríkjunum. Oftar en einu sinni en ekki mjög oft því ég var aldrei mjög hrifinn af þessu.“
Dögun
Pálmey Gísladóttir
1. „Nei. Út frá heilbrigðissjónarmiði myndi það ekki koma til greina af minni hálfu en ég get ekki talað fyrir alla.“
2. „Þetta er fíkniefni, þetta er misnotað og það er mjög erfitt að koma á eftirliti með ræktun og sölu. Lögleiðing myndi sennilega telja fólki trú um að það yrði eftirlit með þessu en ég sé það ekki gerast. Misnotkunin myndi halda áfram og þjóðfélagið bíða skaða af.“
3. „Nei, ég hef ekki gert það.“
Flokkur fólksins
Inga Sæland
1. „Nei.“
2. „Þetta varðar við lög. En aftur á móti get ég ekki séð neitt því til fyrirstöðu að leyfa þeim sem eru taugasjúklingar eða alvarlega veikir að nýta sér lækningarmátt þessarar jurtar. Við myndum vilja hafa þetta lyfseðilsskylt.“
3. „Nei.“
Framsóknarflokkurinn
Sigurður Ingi Jóhannsson
1. „Við höfum ekki tekið afstöðu til frumvarps sem við höfum ekki séð, það er hvernig það myndi líta út í raun og veru. Hluti forvarna er að horfa opnum augum á vandann en okkar fyrsta skoðun er ekki sú að vandinn verði leystur með því að auka aðgengið.“
2. „Þegar kemur að lýðheilsumálum, eins og til dæmis áfengismálum, þá höfum við talað fyrir því að það þurfi miklu meira fjármagn í fræðslu fyrir börn, unglinga og foreldra, og forvarnir. Við höfum lesið skýrslur og hlustað á sérfræðinga sem hafa bent á miklar afleiðingar aukningar kannabisneyslu á síðustu árum, eins og til dæmis geðrof. Þetta hefur ekki verið rannsakað nóg.“
3. „Nei, það hef ég ekki gert.“
Píratar
Birgitta Jónsdóttir
1. „Ég get ekki svarað fyrir þingflokkinn. Ég er ekki á leiðinni í framboð.“
2. „Stefna Pírata í þessum málum er að þetta verði gert í áföngum og við viljum byrja á afglæpavæðingu. Fólk lendir í vandræðum út af sakaskránni, til dæmis með að fá vinnu. Við erum á móti blóðsýnatöku á vinnustöðum og höfum lagt áherslu á að lögleiða lyfjahamp. Persónulega er ég hlynnt því að sem mest sé löglegt.“
3. „Já, það hefur áður komið fram. Ég reykti kannabis þegar ég var unglingur en það fer mjög illa í mig. En ég er heldur ekki hrifin af áfengi. Mér finnst best að vera með skilningarvitin í lagi.“
Samfylkingin
Logi Einarsson
1. „Við erum á móti lögleiðingu kannabisefna. Mér finnst það skrítin skilaboð, nú þegar birtist fjöldi frétta af ungu fólki sem glímir við geðræn vandamál vegna hassneyslu, að leggja þetta frumvarp fram núna.“
2. „Við viljum milda refsistefnu þannig að refsing við vörslu neysluskammta sé ekki þung eða jafnvel engin. Fyrst og fremst þarf að leggja pening í forvarnir og við erum tilbúin að koma að mótun stefnu sem dregur úr notkun.“
3. „Já, ekki oft.“
Sjálfstæðisflokkurinn
Bjarni Benediktsson
1. „Nei, mér finnst algjörlega fráleitt að ræða þetta mál núna.“
2. „Ég vísa í stefnu flokksins, við höfum ekki verið að leggja þetta til.“
3. „Nei.“
Viðreisn
Benedikt Jóhannesson
1. „Ég hef tekið þá prinsippafstöðu að svara aldrei skoðanakönnunum af þessu tagi. Þegar verið er að spyrja um þingmál þá svara ég því í þinginu.“
2. „Ég man nú ekki til þess að það hafi verið sérstaklega fjallað um þessi mál í stefnuskrá flokksins.“
3. „Nei.“
Vinstri græn
Katrín Jakobsdóttir
1. „Ég hef ekki lesið þetta frumvarp en við höfum beitt okkur fyrir afglæpavæðingu en ekki lögleiðingu.“
2. „Sú stefna að eiga við fíkniefnavandann með stríðstóni og harðri refsistefnu hefur beðið skipbrot. Við teljum mikilvægara að horfa til afglæpavæðingar, en með lögleiðingu væri verið að taka málið talsvert lengra.“
3. „Nei.“