Lilju Rafneyju Magnúsdóttur, þingmanni Vinstri grænna, brá heldur betur í brún síðastliðinn fimmtudag. Lilja, sem stendur í kosningabaráttu þessa dagana, brá sér á landsfund flokksins í Reykjavík. En þegar suður var komið fékk hún þau skilaboð að níu kindur væru á beit í garðinum hjá henni á Suðureyri. Lilja segist stuðningsmaður sauðfjárræktar en er furðu lostin. Kímin bar hún upp spurningu til Gísla Halldórssonar bæjarstjóra um hvort búið væri að leyfa búfjárhald í bænum.
