Fjölmargir ökumenn hafa verið teknir fyrir annað hvort ölvunar- eða fíkniefnaakstur það sem af er liðið páskum
Í gær [laugardag] hafði lögreglan á höfuðborgarsvæðinu afskifti af fjölmörgum ökumönnum sem voru annað hvort ölvaðir eða undir áhrifum fíkniefna við aksturinn. Þá var hún einnig kölluð til vegna nokkurra einstaklinga sem voru með ærslagang og óspektir á götum úti.
18:45 – Bifreið stöðvuð á Reykjanesbraut, ökumaðurinn grunaður um ölvun við akstur Hann var vistaður í fangageymslu lögreglu sökum ástands síns.
20:49 – Bifreið stöðvuð á Selásbraut. Ökumaðurinn er grunaður um að hafa ekið bifreiðinni undir áhrifum fíkniefna. Þar að auki ók hann þrátt fyrir að hafa verið sviptur ökuréttindum. Þá var ökumaðurinn með 2 ára barn sitt í bifreiðinni og var Barnavernd kölluð til vegna málsins.
22:28 – Bifreið stöðvuð við Efstasund. Ökumaðurinn er grunaður um akstur bifreiðar undir áhrifum fíkniefna, vörslu fíkniefna og brot á vopnalögum.
00:46 – Tilkynnt um mann sem var ofurölvi er hann lá á miðri akbraut í Hafnarfirði. Lögreglumenn reyndu að koma manninum heim til sín án árangurs og var hann því fluttur til vistar í fangageymslu lögreglu þar til ástand hans lagaðist.
01:08 – Ökumaður bifreiðar svöðvaður í Kópavogi. Bifreiðin reyndist vera með röng skráningarmerki og ótryggð. Ökumaðurinn er einnig grunaður um að hafa ekið undir áhrifum bæði áfengis og fíkniefna – auk þess að vera réttindalaus.
02:34 – Tilkynnt var um kengfullan mann sem var til vandræða við Lindargötu. Maðurinn var vistaður í fangageymslu lögreglu þar til ástand hans lagaðist.
03:00 – Afskipti höfð af ölvuðum ökumanni við Grettisgötu, þar sem vegfarendur höfðu fengið hann til að nema staðar sökum ástands síns. Maðurinn var síðan vistaður í fangageymslu lögreglu fyrir rannsókn málsins.
03:51 – Bifreið stöðvuð á Reykjanesbraut við Kópavog. Ökumaðurinn er grunaður um akstur bifreiðar undir áhrifum fíkniefna.
04:17 – Bifreið stöðvuð á Sæbraut. Ökumaðurinn er grunaður um ölvun við akstur.
04:40 – Bifreið stöðvuð á Skothúsvegi. Ökumaðurinn er grunaður um akstur bifreiðar undir áhrifum fíkniefna.
