Dómur var kveðinn upp í máli Birgittu Gyðu Bjarnadóttur í Brasilíu í dag
Dómur féll í dag í máli Birgittu Gyðu Bjarnadóttur, sem situr í fangelsi í Fortaleza í Brasilíu. Hún fékk 5 ára og 20 daga fangelsisdóm fyrir fíkniefnasmygl. Birgitta, sem er 20 ára, og kærastinn hennar voru handtekin á milli jóla og nýárs í fyrra en talsvert magn af kókaíni fannst í fórum þeirra.
Birgitta hefur nú þegar afplánað sex mánuði af dóminum. Möguleiki er á því að hún verði látin laus úr fangelsinu eftir um tvö til tvö og hálft ár. Birgitta þarf samt sem áður að vera í landinu þar til hún er búin að sitja af sér allan dóminn. Hvort sem það verður innan veggja fangelsisins eður ei.
Móðir Birgittu, Esther Ósk Estherardóttir sagði í samtali við DV í lok maí að dóttir sín væri ótrúlega jákvæð þrátt fyrir allt sem á undan er gengið. Esther greindi jafnframt frá því að vinkona hennar eigi góða vinkonu sem er búsett í Brasilíu. „Hún fer og heimsækir hana 1-2 í mánuði og ég veit ekki hvar við værum án hennar. Hún fer með nauðsynjar til hennar; sjampó, tannkrem og mat.“
Esther segir í umræddu viðtali að málið hafi kostað fjölskyldu Birgittu mikið fé en er þakklát fyrir að eiga gott bakland sem getur stutt við bakið á fjölskyldunni. „Það þarf að standa straum af lögfræðikostnaði og túlkaþjónustu, það þarf að þýða öll skjöl af ensku yfir á portúgölsku, skjöl frá læknum, sakavottorð og fleira,“