Facebook mun eyða öllum samstilltum myndum innan nokkurra vikna, ef þú munt ekki setja upp snjallforrit á vegum fyrirtækisins.

Ef til vill eru margir sem spyrja sig þeirrar spurningar um hvaða myndir sé að ræða en árið 2012 veittu margir Facebook notendur fyrirtækinu aðgang að einkamyndasafni. Þá var eiginleikinn „samstilltar símamyndir“ settur í loftið, og eru margir notendur sem vita ekki að um sé að ræða einkamyndasöfn.

Eiginleikinn bauð notendum upp á að sjálfkrafa myndu allar myndir sem teknar væru á iPhone síma birtast á Facebook síðu notenda. Núna óskar fyrirtækið eftir því að fólk sæki forritið „Moments“ eða „Augnablik“ sem kom út á síðasta ári. Facebook hvetur fólk til að passa upp á þessar myndir sínar, áður en þær hverfa, þar sem myndunum gæti verið eytt í fyrstu viku júlímánaðar.