Lítið hefur sést til Össurar Skarphéðinssonar í kosningabaráttu Samfylkingarinnar og hafa sumir haft á orði að engu sé líkara en flokksforystan hafi vísvitandi falið hann. Össur var í miklu stuði í umræðuþætti á RÚV síðastliðinn þriðjudag þar sem fulltrúar hinna ýmsu framboða ræddu um Ísland og umheiminn en þar talaði Össur fyrir inngöngu Íslands í Evrópusambandið og um nauðsyn nýs gjaldmiðils. Einhverjir hafa sagt að mesta lífið í Samfylkingunni sé í Össuri og merkilegt sé að aldursforsetinn sé frísklegasti málsvarinn.
