Stjórmálamenn eru til alls vísir í kosningabaráttu – „Það er mikill kærleikur í svona köku“
Í gær birti DV myndband Framsóknarflokksins þar sem Sigurður Ingi Jóhannesson negldi „dabið“. Í fréttinni var skýrt tekið fram að búast mætti við fleiri stjórnmálamönnum að gera skrítna hluti á næstunni og lesendur þurftu ekki að bíða lengi.
Í dag birti Sjálfstæðisflokkurinn nautnalegt myndband af Bjarna Benediktssyni að baka stórglæsilega afmælisköku. Myndbandið hefst á því að fjármálaráðherra birtist, íklæddur svuntu og segir einbeittur: „Það er mikill kærleikur í svona köku, það er ekki spurning.“ Í kjölfarið sést Bjarni skera út sykurmassa í köku sem ætti undir eðlilegum kringumstæðum að vinna til einhverskonar verðlauna.
Í myndskeiðinni gefur Bjarni í skyn að hann hafi hent fjölmargar slíkar kökur, meðal annars af Línu Langsokk eða „bara það sem krökkunum finnst spennandi í það og það skipti“, segir Bjarni. Í myndbandinu greinir hann frá því að hann hafi gaman af ýmiskonar handavinnu eins og kökubakstri og að hnýta flugur. Hann gleymir þó að minnast á garðyrkjuna en internetið fór á hliðina þegar Bjarni birtist með græðling í hönd á dögunum.
