Guðni Th. Jóhannesson hefur undirritað tillögu um þingrof
Þing verður rofið þann 29. október og þann sama dag fara fram kosningar. Tillaga þess efnis hefur verið undirrituð af Guðna Th. Jóhannessyni, forseta Íslands.
Sigurður Ingi Jóhannsson kunngjörði þetta við upphaf þingfundar í dag. Þing mun starfa áfram eins og starfsáætlun þingsins gerir ráð fyrir næstu daga.
Dagsetningin er sú sama og miðað hefur verið við undanfarnar vikur.