Kveikt var á kertum til minningar um barnið á Siglufirði í gærkvöldi
Mikil sorg ríkir nú á Siglufirði vegna andláts átta ára gamallar stúlku úr bænum sem lést í bílslysi við vegamót Ólafsfjarðarvegar og Skíðdalsvegar síðdegis á sunnudaginn.
Frá þessu er greint á Vísi. Þar segir jafnframt að íbúar á Siglufirði hafi kveikt á kertum í gærkvöldi til minningar um stúlkuna.
Þrjár bifreiðar skullu saman í árekstrinum en fimm farþegar voru í bílunum. Fjórir voru fluttir á sjúkrahús þar sem stúlkan var úrskurðuð látin.
Í fréttinni er jafnframt greint frá því að þrír séu enn á sjúkrahúsi á Akureyri en ástand þeirra er stöðugt.
