Á dögunum gekk út fjórði stærsti bónusvinningurinn í Víkingalottóinu frá upphafi og var hann kominn upp í rúmlega 38,4 milljónir. Eigandi vinningsmiðans þorði þó ekki að hrósa happi of snemma.

Fram kemur í tilkynningu frá Íslenskri Getspá um hinn stálheppni vinningshafi sé búinn að vera með miða í áskrift í nokkur ár og var hann nokkurn veginn viss um þetta væru tölurnar hans sem hann heyrði lesnar upp í útdrættinum. Hann þorði þó ekki að fagna fyrr en hann var búinn að frá símtalið góða frá starfsfólki Getspár. Fékk hann þá staðfest það sem hann þorði varla að trúa.

Um er að ræða fjölskyldumann á miðjum aldri og hyggst hann halda áfram að styrkja góð málefni með því að spila í Víkingalottóinu. Hann segir það þó ekki skemma fyrir að eiga vinningsvon í leiðinni. Er hann að vonum himinlifandi með að vera 38 milljónum ríkari og ætlar að byrja á því að bjóða fjölskyldunni í góðan veiðitúr í sumar.