„Ég hef af persónulegum ástæðum ákveðið, í samráði við nánustu fjölskyldu og samstarfsfólk, að draga mig í hlé frá trúnaðarstörfum í Samtökunum ’78 um ótiltekinn tíma.“

Þetta segir Hilmar Hildar Magnúsarson í tilkynningu á Facebook-síðu sinni. Allt hefur verið á suðupunkti í Samtökunum 78, eftir að aðild BDSM samtakanna var samþykkt í annað sinn á félagsfundi Samtakanna. Í kjölfarið samþykktarinnar sögðu fjölmargir sig úr samtökunum þar á meðal Margrét Pála Ólafsdóttir, oftast kennd við Hjallastefnuna. DV hafði eftir Möggu Pálu:

„Síðan er ég algjörlega mótfallin stefnubreytingum Samtakanna 78 eins og inntaka BDSM samtakanna er að mínu mati, nema um það ríki almenn sátt allra félaga og að aðferðir stefnubreytinga séu hafnar yfir allan vafa samkvæmt félagslögum. Um hvorugt hefur verið hirt og því yfirgef ég fyrrum mannréttindasamtökin mín með meiri sorg í hjarta en orð fá lýst.“

Hilmar leggur áherslu á að ákvörðun hans sé tekin vegna heilsu hans og persónulegra haga. En segist ekki sjá eftir ákvörðun sinni að samþykkja aðild BDSM samtakanna.“

„Ég stend hér eftir sem hingað til fullkomlega með þeim ákvörðunum sem ég, stjórn og félagsfólk hafa tekið varðandi hagsmuni félagsins í opnu og lýðræðislegu ferli.