Sigmundur Davíð Gunnlaugsson er annar ráðherra ríkisstjórnarinnar sem nú ríkir, sem segir af sér, og er um fordæmalausa afsögn að ræða.

Hinn ráðherrann sem sagði af sér var innanríkisráðherrann, Hanna Birna Kristjánsdóttir, sem sagði af sér árið 2014 eftir lekamálið.

Sigmundur Davíð er annar forsætisráðherra landsins sem segir af sér, en Halldór Ásgrímsson, sagði af sér árið 2006 eftir að hafa setið á þingi í um 30 ár. Hætti hann afskiptum af stjórnmálum í kjölfarið. Ekki voru nein átök um afsögn Halldórs ólíkt afsögn Sigmundar.

Af þessu leiðir að um sögulegan viðburð er að ræða en saga ráðherra í þessari ríkisstjórn er orðin nokkuð brösugleg í sögulegu tilliti.

Ráðherrar sem hafa sagt af sér í gegnum söguna eru:

Magnús Jónsson – árið 1923. Hann var fjármálaráðherra og stóð utan flokka.

Magnús Guðmundsson sagði af sér árið 1932. Hann var dómsmálaráðherra og var í Sjálfstæðisflokknum.

Albert Guðmundsson sagði af sér árið 1987 en hann var iðnaðarráðherra og sat í skjóli Sjálfstæðismanna.

Guðmundur Árni Stefánsson sagði af sér árið 1994. Hann var heilbrigðisráðherra og sat fyrir Alþýðuflokkinn sáluga.

Halldór Ásgrímsson sagði einnig af sér sem forsætisráðherra árið 2006.

Björgin G. Sigurðsson, Samfylkingarmaður, sagði af sér árið 2009 eftir að hafa verið viðskiptaráðherra í ríkisstjórninni sem sat í hruninu.

Ögmundur Jónasson, þingmaður VG, sagði af sér sem innanríkisráðherra sama á vegna ágreinings um Icesave.

Hanna Birna sagði af sér árið 2014 eins og fram hefur komið og nú Sigmundur Davíð einnig.

Athugið að Halldór Ásgrímsson gleymdist í þessari upptalningu í fyrstu frétt, en hann baðst lausnar á miðju kjörtímabili eftir 30 ára þingsetu og lét alfarið af afskiptum af stjórnmálum í kjölfarið.