Viðar Freyr Guðmundsson ákvað að bregða á leik þegar Vinnumálastofnun setti út á að hann hefði ekki mætt á boðaðan fund hjá stofnuninni. Forsaga málsins er sú að Viðar hafði sótt um atvinnuleysisbætur og þurfti hann í kjölfarið að skila inn ótal gögnum, vottorðum og fleiru.

Viðar segir að hann hafi svo verið boðaður á fund sem skyldumæting var á. „Ég fékk vinnu fljótlega eftir umsóknina og nennti satt best að segja ekki að standa í þessu rugli. Þangað til ég fékk hótun vegna þess að ég mætti ekki á umræddan fund,“ segir Viðar en hann deilir þessu í opinni færslu á Facebook-síðu sinni.

Í póstinum frá Vinnumálastofnun var óskað eftir skýringum frá Viðari á því af hverju hann mætti ekki á fundinn. Þurfti hann að láta fylgja með nafn og kennitölu og það tekið fram að það sé meginskilyrði fyrir greiðslum atvinnuleysisbóta að atvinnuleitandi sé í virkri atvinnuleit.

Hann ákvað að bregða á leik og svara skrifræði með skrifræði. „Hérna er svar mitt. Þetta kalla ég að svara í sömu mynt.“

Bréfið hefst á þessum orðum:

„Góðan dag. Umsókn þín um að vita um ferðir mínar umræddan dag hefur verið móttekin. Ég vil benda á að eftirfarandi gögn vantar til að afgreiða megi umsóknina.

1. Skýringarbréf frá yfirmanni stofnunar yðar um tilgang fyrirspurnarinnar.
2. Álit Persónuverndar til að mega spyrjast fyrir um ferðir mínar umræddan dag.
3. Umsókn um leyfi til að senda fyrirspurnir undirritað af skrifstofustjóra heimilis míns í þríriti vottað af Sýslumanni. Umsóknareyðublað er hægt að nálgast á skrifstofu minni milli kl. 16.30 til 20.00 virka daga.“

Hann telur upp fleiri atriði, rétt eins og Vinnumálastofnun gerði.

Hér að neðan má sjá samskipti Viðars og Vinnumálastofnunar.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_GB/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));