Maður sem lokkaði kærustu sína heim til sín í dag, Valentínusardaginn, hefur birt myndband sem vakið hefur mikla athygli á samfélagsmiðlum af því þegar hann gefur henni gjöf. Batt hann fyrir augun á kærustunni og lét hana svo bókstaflega horfast í augu framhjáhald sitt. Myndbandið má sjá hér fyrir neðan en hún sér gjöfina þegar rúmlega þrjár og hálf mínúta er liðin af myndbandinu.

Maðurinn, sem kom ekki fram undir nafni, segist hafa vitað að kærastan sín væri á stefnumótasíðu og að hann hafi sjálfur búið til reikning til að leiða hana í gildru. Í tilefni Valentínusardagsins hafi hann því stráð rósablöðum um íbúðina, útbúið kort og sýnt henni útprentanir af samtölum hennar við mann sem hún vissi ekki að væri kærasti sinn.

Margir áhorfendur á YouTube hafa hrósað manninum fyrir vasklega framgöngu en aðrir segja að myndbandið sé of langdregið. „Ekki furða að hún hafi haldið framhjá þér, þú ert rosalega pirrandi,“ skrifaði einn notandinn. Annar notandi skrifaði: „Ég er sammála, hún hefði ekki átt að halda framhjá en ef ég væri þessi kærasta hefði ég látið mig hverfa fyrir löngu.“

[youtube https://www.youtube.com/watch?v=LcOm1KuPaOs&w=640&h=360]