sMothered eru þættir á TLC sem fjalla um mæðgur sem eiga það sameiginlegt að vera ótrúlega nánar. Í fyrsta þættinum var fjallað um mæðgur sem fara saman í sturtu á hverjum degi.
Sjá einnig: Mæðgur fara saman í sturtu á hverjum degi
Í nýjustu þáttaröðinni fáum við að kynnast mæðgunum Marciu og Alenu. Þær eru mjög nánar og segir Marcia að Alena sé besta vinkona sín. Hún vekur dóttur sína á hverjum degi með því að sleikja hana eins og hvolpur myndi gera. Alena er 21 árs.
„Alena var alltaf að biðja mig um hvolp og ég gat ekki gefið henni hvolp, þannig ég breytti mér bara í hundinn. Alena bragðast nokkuð vel, svo sæt, ég vil bara borða hana,“ segir Marcia í þættinum.
Alena segist hafa gaman af þessu. „Ég elska það þegar mamma sleikir mig. Mér finnst við nánari því við erum að gera eitthvað fyndið og skrýtið. Við gerum þetta á hverjum degi,“ segir hún.
Marcia, sem er 68 ára, ættleiddi Alenu þegar hún var smábarn.
Mæðgurnar segjast meðvitaðar um að öðrum þykir samband þeirra furðulegt en þeim er alveg sama.
„Sumir eru ekki sammála eða spá hvað sé að henni. Ég elska að hún sé að alast upp og getur gert alls konar kjánalega hluti. Þetta verður flóknara með því sem hún eldist, en við höfum samt gaman,“ segir Marcia.
