Simon Cowell er þekktastur fyrir að vera dómari í þáttum á borð við Britain’s got talent, American idol og álíka þáttum. Er hann þekktur fyrir að vera hispurslaus í tali og þá einkum þegar kemur að keppendum í þáttunum sem standast að hans mati ekki gæðakröfur.
Kærasta Cowell er Lauren Silverman, en fréttamiðlar erlendis greina nú frá því að Silverman sé ekki hrifin af því að Cowell eigi of nánar vinkonur.
Söngkonan Alesha Dixon er líka dómari í Britain’s got talent en á dögunum mun Silverman hafa hellt sér yfir Dixon fyrir að vera orðin of kammó við Cowell.
Heimildarmaður miðilsins The Sun sagði að Silverman hafi beðið Dixon um að stíga með sér afsíðis á tökustað Britain’s got talent
„Þetta er sameiginlegt rými þar sem starfsmenn hita sér te svo það vakti töluverð athygli þegar fólk var meinaður aðgangur að rýminu. Um 15 mínútum síðar kom Alesha þaðan út og var greinilega í uppnámi og þurfti að láta ferska upp á farðann sinn áður en tökur hófust að nýju. Síðan fór Lauren út og kom ekki aftur það sem eftir var af áheyrnaprufunum í London sem og í Manchester. Starfsmenn greindu frá því að Lauren kynni ekki að meta þá staðreynd að Simon og Alesha sem hafa unnið saman í Ameríku og við Champions þættina hafi verið að hvísla sín á milli í pásum.“
Þetta er ekki í fyrsta sinn sem meint afbrýði Silverman er til umfjöllunar. En fyrir nokkru mun hún hafa ásakað kryddpíuna Mel B um að eiga í ástarsambandi við Simon.