Leikkonan Kelly Preston er látin eftir tveggja ára baráttu við brjóstakrabbamein. Eiginmaður hennar til 29 ára, John Travolta, minnist hennar á Instagram. BBC greinir frá.
Travolta segir frá því að Kelly hafi háð hetjulega baráttu með ást og stuðningi frá mörgum. „Ég og fjölskyldan mín verðum ævinlega þakklát læknunum og hjúkrunarfræðingunum á MD Anderson Cancer Center, öllum lækna stöðvum sem hafa hjálpað og öllum vinum hennar og ættingjum sem hafa verið henni innan handar.“
Kelly lék meðal annars í Twins, From dusk till dawn, Jerry Maguire og Kötturinn með höttinn(e. The cat in the hat). Hún lék einnig með eiginmanni sínum í Battlefield earth og Old dogs. Eitt af hennar síðustu hlutverkum var árið 2018 í myndinni Gotti þar sem hún lét á móti manni sínum. Kelly og John voru gift í 29 ár.
Hjónin eiga börnin Ella Bleu og Benjamin. Sonur þeirra Jett lést árið 2009.