Einkaþjálfarinn og fyrrum atvinnu bikinífitness-keppandinn Margrét Gnarr eignaðist sitt fyrsta barn fyrir sex vikum síðan.
Margrét glímdi við átröskun í mörg ár og hefur verið í bata síðan 2018. Hún hefur verið mjög opinská varðandi bataferlið og hvaða áhrif meðgangan hefur haft á líkamsímynd hennar í ljósi átröskunarsögu hennar.
Sjá einnig: Margrét Gnarr var komin með hjartsláttatruflanir vegna átröskunar: „Ég var orðin hrædd um líf mitt“
Margrét heldur úti vinsælli Instagram-síðu sem er með rúmlega 86 þúsund fylgjendur. Þar hefur hún verið dugleg að deila myndum af sér í gegnum meðgönguna og hvernig henni hefur liðið hverju sinni.
Sjá einnig: Besta fyrir og eftir mynd Margrétar Gnarr til þessa
Hún hefur haldið því áfram eftir fæðingu og deildi fyrstu kroppamyndinni um fjórum vikum eftir að sonur hennar fæddist.
https://www.instagram.com/p/B8W2e_8lNtB/
„Hamingja er ekki ákveðin stærð. Ég er stærri og mýkri en nokkurn tíma áður. Og ég hef aldrei elskað líkama minn eins mikið. Þessi líkami var að búa til manneskju! Ég á erfitt með að trúa því sem ég hef látið hann þola í gegnum árin til að ná hinu „fullkomna“ formi og ég mun aldrei gera það aftur,“ skrifaði hún með myndinni.
https://www.instagram.com/p/B8rbx1slK8n/
Margrét deildi síðan aftur mynd af líkama sínum fimm vikum eftir fæðingu.
„Áður en ég var í bata og áður en ég varð ólétt var ég MIKLU minni! Ég var líka með þráhyggju að vera svona lítil allt árið og ég lét líkama minn ganga í gegnum helvíti til að halda honum svona grönnum. Ýttu á örina til hægri til að sjá hvað ég á við,“ skrifaði Margrét Gnarr.
„Ég var með það á heilanum í 15 ár af lífi mínu. En EKKI LENGUR! Mér er sama um töluna á vigtinni. Mér er sama um allar stærðartölur. Eina sem skiptir mig máli er heilsa mín og ég elska líka að sjá líkama minn breytast með auknum vöðvamassa og ég elska tilfinninguna þegar ég get lyft þyngra en áður. Ég elska líka að borða og get ekki ímyndað mér að svelta mig aftur.“
https://www.instagram.com/p/B9CrjPaD5KY/
Í gær deildi hún svo aftur nýrri mynd, sex og hálfri viku eftir fæðingu. Í færslunni sagði hún frá því hvernig hún æfði á meðgöngu og hvernig hún hefur verið að æfa eftir meðgöngu.
„Í dag finnst mér ég geta ALLT en ég þarf ennþá að fara varlega í öllum kviðæfingum,“ segir hún.
