fbpx
Föstudagur 14.ágúst 2020
Bleikt

Besta fyrir og eftir mynd Margrétar Gnarr til þessa: „Ég trúi þessu ekki enn þá!“

Guðrún Ósk Guðjónsdóttir
Miðvikudaginn 10. júlí 2019 15:13

Margrét Gnarr. Mynd: Hanna/DV

Ekki missa af Helstu tíðindum dagsins í pósthólfið þitt

Lesa nánar

Margrét Gnarr, einkaþjálfari og atvinnumaður í bikinífitness, hefur verið í hléi frá keppni til að ná bata. Hún hefur glímt við lystarstol og lotugræðgi frá því að hún var fjórtán ára.

Margrét opnaði sig um átröskunina í einlægu viðtali við DV fyrr á árinu.

Sjá einnig: Margrét Gnarr var komin með hjartsláttatruflanir vegna átröskunar: „Ég var orðin hrædd um líf mitt“

Margrét heldur úti vinsælum Instagram-aðgangi og er með rúmlega 89 þúsund fylgjendur. Hún er ófeimin að tjá sig um átröskunina og batann. Hún deilir reglulega fyrir og eftir myndum af sér, eins og þessari hér að neðan.

 

View this post on Instagram

 

A post shared by Margret Gnarr (@margretgnarr) on

Nú hefur Margrét deilt bestu fyrir og eftir myndinni að okkar mati. Á fyrri myndinni má sjá Margréti þegar hún var að keppa í bikinífitness og hafði ekki farið á blæðingar í tvö ár. Á seinni myndinni má sjá hana í dag, komin fjórtán vikur á leið með sitt fyrsta barn.

„Ég trúi þessu ekki enn þá!!“ Skrifar Margrét með myndinni.

„Fyrir aðeins ári síðan var ég ótrúlega veik. Ég hafði verið að borða allt of lítið og æfa allt of mikið í allt of langan tíma.

Ég var með það á heilanum að verða grennri og grennri. Ég vildi vera besti IFBB bikinífitness keppandi í heimi og ég ætlaði ekki að láta neitt stoppa mig.

Þar til ég fékk næstum því hjartaáfall! Í apríl mánuði á síðasta ári ákvað ég að taka mér hlé frá því að keppa til að ná bata og mörg ykkar hafið haldið áfram að fylgja mér til að styðja mig, og ég er mjög þakklát fyrir það.

Ég hef verið að glíma við átröskun síðan ég var fjórtán ára og þegar ég var um 23 ára þá hélt ég að ég hefði eyðilagt möguleika minn að verða ólétt. Eftir að hafa reynt í eitt ár þá var ég sannfærð um að ég væri ófrjó.

Eftir eitt ár í bata, að leyfa líkama mínum að jafna sig og æfa sjálfsást, gerðist kraftaverk.

Það byrjaði allt á rosalegum skapsveiflum. Ég hélt að ég væri kannski enn þá að díla við hormóna ójafnvægi og þetta myndi líða hjá. Tíðarhringurinn minn var enn þá óreglulegur og fyrir mig var eðlilegt að byrja nokkrum vikum seinna á túr.

En ég ákvað að taka óléttupróf. Ég hafði tekið mörg próf áður fyrr sem voru öll neikvæð og byrjað svo á túr daginn eftir. Ég hélt að það myndi hundrað prósent gerast aftur. EN NEI.

Ég fékk jákvætt próf og trúði því ekki. Ég fór í blóðprufu líka og það lét mig trúa niðurstöðunum.

Það eina sem ég þurfti að gera var að sleppa átröskunar þráhyggjum mínum, bæta á mig líkamsfitu, æfa minna og æfa sjálfsást. Ég hætti líka að drekka áfengi sem hefur örugglega líka hjálpað.

Ég vona að þessi færsla veiti einhverjum innblástur sem er í sömu sporum og ég var og gefi ykkur von.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Bleikt
Fyrir 2 dögum

Höfða mál gegn Tiger King stjörnunni Carole Baskin

Höfða mál gegn Tiger King stjörnunni Carole Baskin
Bleikt
Fyrir 2 dögum

Óléttar á Instagram – Stjörnurnar sem eiga von á barni

Óléttar á Instagram – Stjörnurnar sem eiga von á barni
Bleikt
Fyrir 1 viku

„Eiginmaður minn neitar að sofa hjá mér – hann segir að við séum of feit“

„Eiginmaður minn neitar að sofa hjá mér – hann segir að við séum of feit“
Bleikt
Fyrir 1 viku

Fyrirsæta harðlega gagnrýnd fyrir að ferðast með COVID og smita ættingja

Fyrirsæta harðlega gagnrýnd fyrir að ferðast með COVID og smita ættingja
Bleikt
Fyrir 1 viku

Áhorfendur áttu erfitt með að halda aftur tárunum – Bað stjúpföðurinn um að hætta að lemja drenginn

Áhorfendur áttu erfitt með að halda aftur tárunum – Bað stjúpföðurinn um að hætta að lemja drenginn
Bleikt
Fyrir 1 viku

Stjörnurnar hafa það huggulegt í Hamptons – Sjáðu glæsivillurnar

Stjörnurnar hafa það huggulegt í Hamptons – Sjáðu glæsivillurnar

Tarot Spil

Veldu þér spil og sjáðu spádóm þinn.