Leikkonan Blake Lively og leikarinn Ryan Reynolds eignuðust barn í lok sumars, sitt þriðja barn saman. Þetta staðfestir heimildarmaður Us Weekly og bætir við að barnið sé tveggja mánaða gamalt.
Blake og Ryan gengu í það heilaga árið 2012 og eiga fyrir dæturnar James, fjögurra ára, og Inez, tveggja ára. Leikarahjónin hafa gert mikið upp úr því að halda einkalífinu fyrir sig og því kemur ekki á óvart að leyndarhjúpur hafi umlukið fæðingu barnsins.
Blake staðfesti óléttuna í maí á þessu ári þegar hún mætti til að styðja eiginmann sinn á frumsýningu myndarinnar Pokémon Detective Pikachu.
