Sala á bókinni Lára fer til læknis eftir Birgittu Haukdal hefur gengið framar vonum. Svo vel hefur gengið að bókin verður endurprentuð fyrir jólin og verður þá orðinu „Hjúkrunarkona“ skipt út fyrir „Hjúkrunarfræðingur“ en hefur komið fram hvort teiknarinn, Anahit Aleksanyan frá Yerevan, hafi verið fengin til að skella hjúkrunarfræðingnum í buxur.
Á vef Vísis kemur fram að til stendur að endurprenta umdeilda bók Birgittu Haukdal, Lára fer til læknis. Mikil umræða átti sér stað þegar hjúkrunarfræðingar gagnrýndu hvernig starf þeirra birtist í bókinni en þar var meðal annars úrelta orðið hjúkrunarkona notað. Í nýju upplagi bókarinnar er hjúkrunarkonan orðin hjúkrunarfræðingur en Birgitta hefur boðist afsökunar og sagt að henni þyki miður að hafa sært hjúkrunarfræðinga. Umræðan virðist þó hafa haft fremur þau áhrif að auka sölu heldur en að draga úr henni en margir lýstu yfir stuðningi við Birgittu í umræðunni með því að kaupa bókina. Anahit Aleksanyan frá Yerevan sá um teikningar bókarinnar, en í umfjöllun Vísis kemur ekki fram hvort bókaunnendur geti búist við hjúkrunarfræðing í buxum eða ekki.
Sjá einnig:
Anahit teiknaði umdeildar myndir barnabókar Birgittu – „Ég er opin fyrir nýjum tækifærum“
