Tuttugu og fjögurra ára gömul kona hefur nú eitt rúmlega sex milljónum í fegrunaraðgerðir. Segir hún að karlmenn gangi brjálæðislega á eftir henni síðan hún breytti sér.
Celine Centino sem er Instagram stjarna í Zurich, Sviss var lögð í alvarlegt einelti þegar hún var yngri. Var hún sögð vera ljot og að hún væri með of feitan rass. Eineltið var orðið svo slæmt á tíma að Celine hætti að mæta í skólann og hringdi sig inn veika.
Samkvæmt The Sun hefur Celine farið í margar fegrunaraðgerðir í þeim tilgangi að líkjast Pamelu Anderson. Celine vann eins mikið og hún gat til þess að safna sér fyrir aðgerðunum sem hún vildi fara í til þess að verða loksins hamingjusöm í sínu eigin skinni.
Frá árinu 2013 hefur Celine farið í þrjár brjóstastækkanir, nefaðgerð, hökuaðgerð, varastækkun og fyllingu í kinnarnar. Aðgerðirnar hafa kostað hana rúmlega sex milljónir.
„Ég var alltaf hamingjusöm manneskja en mér leið illa með útlit mitt. Svo mikið af fólki dæmdi mig af því að ég var „ljót“ og ég breyttist í leiða manneskju. Ég vildi verða hamingjusöm aftur svo ég breytti útliti mínu og öllu því sem mér líkaði ekki vel við. Við búum á þeim tímum að ef okkur líkar ekki við eitthvað þá getum við breytt því, svo ég greip tækifærið.“
Celine segist hafa verið ólm í það að verða eins lík Pamelu Anderson og hún gæti.
„Krakkar sögðu við mig að andlitið á mér væri ljótt, stíllinn minn væri ljótur, þessi hluti á mér var ekki góður og þessi ekki heldur. Ég gat ekki náð neinu rétt samkvæmt þeim, þau voru öll vond. Þau sögðu mér að ég væri ljót, hrintu mér og hundsuðu mig svo. Ég fékk aldrei tækifæri til þess að sýna þeim að ég er frábær manneskja. Ég var líka lamin af þeim og það eina sem ég gat gert var að flýja. Ég sagði aldrei neinum frá þessu af því að ég skammaðist mín.
Celine segist loksins vera hamingjusöm og hefur hún í dag yfir 43 þúsund fylgjendur á Instagram sem senda henni reglulega jákvæð skilaboð.
„Núna líður mér svo vel með sjálfa mig og ég er loksins orðin hamingjusöm aftur og get lifað því lifi sem mig langaði. Mér finnst ég líka sterkari en áður. Ef einhver segir eitthvað slæmt um mig í dag þá er mér alveg sama. Það getur enginn sært mig lengur. Ef ég myndi mæta einhverjum af þeim sem lögðu mig í einelti í dag á myndi ég hundsa þau. Þau gáfu mér aldrei tækifæri svo þau eiga ekki skilið að tala við mig.“
