Fjórtán ára gömul stúlka sem var lamið og sparkað ítrekað í af skólafélögum hennar í þrjá klukkutíma hefur nú fengið þær upplýsingar frá lækni að líklegt sé að hún muni aldrei geta eignast börn.
Strákur sem stúlkan er sögð vera hrifin af bauð henni í göngutúr með sér og leiddi hann hana á afskekktan stað þar sem fimm stúlkur á aldrinum þrettán til fjórtán ára biðu eftir henni. Þegar þangað var komið hófu stúlkurnar barsmíðarnar.
Samkvæmt Metro var ofbeldið tekið upp á myndband og má sjást á því þegar stúlka kýlir hana í andlitið og hendir henni í kjölfarið á jörðina. Þá taka hinar stúlkurnar við og hefja að sparka og kýla ítrekað í hana á meðan hún liggur á jörðinni. Ein stúlknanna sést stökkva ofan á höfuð hennar og efri líkama. Eftir þriggja klukkutíma barsmíðar leyfðu þau stúlkunni að fara og komst hún heim til sín að hringja á sjúkrabíl.
Atvikið átti sér stað í bænum Mineralnye í Rússlandi og komust læknar að því stúlkan hlaut heilahristing, skaða á líffærum og mikið mar um líkamann. Lögreglan hefur fengið upplýsingar um alla aðila málsins og eru þau í yfirheyrslum.
