Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri.
Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin,
segir Karen í einlægri færslu sinni á Mamiita.
Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu.
Eftir nokkra daga gafst ég upp og fór að gefa henni ábót. Í fyrstu pumpaði ég mig og gaf henni brjóstamjólk í pela sem gekk mjög vel en svo kom að því að hún þurfti meira og ég náði ekki að halda í við magnið með því að pumpa.
Karen fór þá að gefa dóttur sinni þurrmjólk sem henni þótti mjög góð og á sama tíma breyttist líf fjölskyldunnar.
Hún fékk loksins það magn af mjólk sem hana vantaði og leið mikið betur. Ég mjólkaði samt eins og belja en hún breyttist ótrúlega við það að fá þurrmjólkina.
Dóttir Karenar fór fljótlega að hafna brjóstinu alfarið.
Ég meina, af hverju ætti hún að hafa fyrir því að drekka úr brjósti þegar pelinn er með góðu og jöfnu flæði allan tímann? Hún er núna einungis á þurrmjólk sem hentar okkur lang best.
Karen segir afskiptasemi fólks fara mikið í taugarnar á sér.
Ég fékk oft að heyra: „Já er hún ekki bara á brjósti?“ eða „Brjóstagjöf er það lang esta fyrir börnin“. Af hverju vill fólk meina að það sé alltaf lang best fyrir öll börn? Börnin okkar eru ekki eins, það sem hentar þínu barni hentar ekki endilega mínu líka. Hvað þá þegar ljósmæður, hjúkrunarfræðingar og læknar fara að setja út á hvort barnið fái brjóstamjólk eða þurrmjólk?
Eftir að Anja Myrk fékk þurrmjólk og Karen hætti að streitast á móti og halda henni á brjóstinu þá líður þeim mæðgum margfalt betur.
Ekki skemmir fyrir „frelsið“ sem ég fæ og það að Atli fær að njóta þess að gefa henni að drekka líka. Ég vil minna foreldra á að gera það sem þeim finnst best en ekki það sem einhver annar segir þeim að gera. Þetta er þitt barn og þú þekkir það best. Hvort sem það er brjóstamjólk eða þurrmjólk, það skiptir ekki máli.
Hægt er að fylgjast með Karen og fleiri bloggurum Mamiita á eftirfarandi samfélagsmiðlum:
Snapchat: mamiita.com
Instagram: mamiita_com
