Selena hefur loks gefið útskýringu á fjarveru sinni í sumar, hún þurfti að gangast undir aðgerð og fá nýtt nýra.
Söngkonan er með sjálfsofnæmissjúkdóm og þurfti hún tíma til þess að jafna sig eftir aðgerðina. Leikkonan Francia Raisa gaf Selenu nýra og þakkar Selena henni, fjölskyldu sinni og læknunum sem hafa annast hana fyrir með hjartnæmum hætti :
„Ég er mjög meðvituð um það að aðdáendur mínir hafa tekið eftir því að ég hef látið lítið fyrir mér fara í sumar og velt því fyrir sér af hverju ég hef ekki verið að auglýsa tónlistina mína, sem ég er mjög stolt af. Ég komst að því að ég þurfti að fara í aðgerð og fá nýtt nýra vegna sjálfsofnæmis míns og hef verið að jafna mig. Ég hlakka til þess að deila með ykkur reynslu minni frá síðustu mánuðum. Þangað til ég geri það vil ég opinberlega þakka fjölskyldu minni, frábæra læknateyminu mínu og að lokum Francia Raisa. Það eru engin orð sem lýsa því hversu þakklát ég er fyrir þessa fallegu vinkonu mína, hún gaf mér hina fullkomnu gjöf með því að gefa mér nýra frá sér. Ég er ótrúlega þakklát. Ég elska þig svo mikið systir.“
Síðan Selena greindist með sjálfsofnæmissjúkdóminn árið 2015 hefur hún verið mjög opin með baráttu sína við hann.
