Leikkonan Courteney Cox hefur losað sig við fyllingarnar í andlitinu sínu. Í ágúst í fyrra sagðist hún sjá eftir því að hafa barist gegn öldrunareinkennum með lýtaaðgerðum. Hún er hún laus við andlitsfyllingarnar og segist líða betur því nú lítur hún út „eins og hún sjálf.“ Ætlar hún ekki að láta setja fleiri fyllingar í andlitið.
Courteney Cox varð fyrst fræg fyrir hlutverk sitt sem Monica í sjónvarpsþáttunum Friends sem slógu í gegn á tíunda áratugnum. Hún var búin að láta breyta sér þónokkuð áður en hún byrjaði í þáttunum Cougar Town árið 2009. Fjölmiðlar fóru að fjalla sífellt meira um útlit hennar og voru háværar sögusagnir um að hún hefði lagst undir hnífinn. Í þætti af Running Wild with Bear Grylls í ágúst í fyrra sagðist Courteney hafa fengið sér fyllingar því hún hafi verið að eltast við að líta unglega út.
„Stundum var ég að reyna en svo sá ég mynd af mér og hugsa, ó guð, þú lítur hræðilega út. Ég hef gert hluti sem ég sé eftir og sem betur fer er þetta eitthvað sem leysist upp eða gengur til baka. Það er gott því þetta hefur ekki alltaf verið mitt besta útlit.“
Courteney er í dag 53 ára og er nú án fyllinganna og líður mikið betur. „Ég hef losnað við fyllingarnar mínar. Mér líður betur því ég lít út eins og ég sjálf,“ sagði hún við tímaritið New Beauty.
„Ég held að er líkari manneskjunni sem ég var (fyrir breytingarnar.) Ég vona að það.“
Courteney segir í viðtalinu að hún hafi ekki áttað sig á því hversu háð hún var fyllingunum. Hún bætir við að „fyllingar eru ekki vinir hennar“ og hún sé hamingjusöm yfir því að „geta hreyft andlitið aftur.“
