Nú voru að mæta í verslanir tvö ný og falleg burstasett frá Real Techniques sem ættu að gleðja hvaða burstasafnara sem er! Um er að ræða eitt sett til að gefa hinn fullkomna farðagrunn og annað sett til að gefa húðinni hina fullkomnu ljómandi áferð.
Fresh Face Favorites settið inniheldur allt sem þú þarft til að gera hinn fullkomna náttúrulega farðagrunn! Í settinu er að finna splunkunýjan BB/CC krem bursta ásamt tveimur öðrum burstum sem eru Real Techniques aðdáendum vel kunnugir en þeir eru Contour brush og Detailer brush. Ásamt þessum þremur burstum er að finna sex svampa sem má nota bæði þurra og raka til að blanda út farðann enn betur.
Redy Set Glow settið inniheldur síðan allt sem þú þarft til að ná geislandi húð! Í settinu er að finna glænýjan blævængsbursta en þessi er stærri en þeir blævængsburstar sem að Real Techniques hefur gefið út áður. Strobing Fan burstinn er því fullkominn til að bera ljóma á andlitið. Í settinu er einnig að finna tvo aðra bursta sem við höfum séð áður í öðrum settum en sá fyrsti er Target blending brush. Sá bursti er fullkominn til að nota í fljótandi ljóma. Seinni burstinn er er Multitask cheek brush en hann má nota á alla vegu bæði í kinnalit, sólarpúður eða ljómapúður. Hinn margumrómaða Miracle sculpting sponge er síðan einnig að finna í settinu.
Bæði Fresh Face Favorites og Redy Set Glow settin eru mætt á sölustaði Real Techniques en setting koma einungis í takmörkuðu upplagi svo það er um að gera að hafa hraðar hendur ef þið girnist þessi!
