Strákurinn hennar Drífu virðist vera á eftir jafnöldrum sínum í þroska. Drífa segir að það sé hluti af ástæðunni að hún hefur verið mjög kvíðin upp á síðkastið, strákurinn hennar sýnir alls konar einkenni sem hún skilur ekki og virðist vera mjög langt á eftir jafnöldrum sínum í þroska. Drífa segir frá þessu í færslu á daetur.is og fékk Bleikt góðfúslegt leyfi til að birta.

Balti, strákurinn hennar Drífu, er tveggja ára og átta mánaða. Drífa segir að hann sé sá allra fyndnasti, ljúfasti, sætasti og besti og það sé ekkert sem breytir því.

 En spurning sem ég fæ oftast varðandi hann er „bíddu talar hann bara alls ekki?“ Nei hann segir tvö orð en annað ekki. Af hverju? ÉG VEIT ÞAÐ EKKI. Ég vildi óska þess að ég gæti útskýrt það en ég get það ekki.

Balti vill ekki leika sér með öðrum börnum og bregst ekki við nafninu sínu sem slíku en Drífa segir að henni finnst það ekki endilega það versta. Hún segir að það sé erfitt að sjá önnur börn taka fram úr honum þroskalega séð sem eru allt að einu og hálfu ári yngri en hann.

Við höfum hitt lækna og sérfræðinga og hann er með mjög heilbrigð eyru og augu svo það er ekkert þar. Er ljótt að segja að ég vonaði pínu að hann yrfti bara heyrnartæki og þá myndi hann ná öllum bara?

Balti fær einnig kippi/krampa á hverjum degi sem valda Drífu áhyggjum. Hún segir að læknar hafa ekki áhyggur af þeim eða hafa bara hreinlega ekki séð þá, en hún nær ekki að hrista það af sér að þetta sé óvenjulegt. „Hvað ef eitthvað er að sem enginn veit af en er að hafa mikil áhrif á hann?“

Ekki misskilja mig, ef sonur minn er einhverfur þá er það allt í lagi og bara frábært því það er hann. En ég er bara hrædd við það sem ég hef ekki hugmynd um hvað er – og ég er gjörsamlega týnd varðandi það hvaða kröfur ég get gert á hann.