Sítrónu-límónukaka Helgu Gabríelu

Helga Gabríela er þekkt fyrir að deila gómsætum og ljúffengum uppskriftum á bloggsíðu sinni helgagabriela.is. Hún deildi á dögunum uppskrift að sítrónu-límónuköku sem er að hennar sögn svo einföld að það er ekki hægt að klúðra henni.

Þessi æðislega sítrónu-límónukaka er alveg tilvalin til að útbúa og eiga í frysti fyrir matarboð, saumaklúbb eða ef gesti ber óvænt að garði. Það er ekki hægt að klúðra henni því hún er svo einföld! Uppskriftin er úr matreiðslubókinni „Gott Réttirnir okkar“ sem er í miklu uppáháldi hjá mér.

Botn

100gr möndlur

150gr döðlur (steinlausar)

50gr kókosmjöl

2 msk. kókosolía, fljótandi

Aðferð – botn:

Hita ofninn í 180 gráður.
Setjið allt í matvinnsluvél og maukið þar til hefur blandast vel saman.
Setjið smjörpappír í hringlag form og þjappið botninn og upp með köntunum.
Bakið í 10-15 mínútur eða þangað til botninn fer að gillast á köntunum.

Fylling

1 avókadó

3 msk kókosolía

1 banani (vel þroskaður)

3-4 msk. fljótandi sæta, lífrænt hlynsíróp eða annað

safi úr eini sítrónu eða tveimur límónum

örlítið salt

Aðferð – fylling:

Maukið allt saman í matvinnluvél, hellið yfir botninn og setjið í frysti.
Mér finnst kakan best 10-15 mínútum eftir að hún er tekin úr frysti.
Þá er auðvelt að skera hana, kakan mjög fersk og góð og svo er hún æðisleg með þeyttum rjóma.