„Læknar voru búnir að segja við okkur að það væri nánast ómögulegt fyrir okkur að eignast barn náttúrulega. En hér erum við, komin 14 vikur á leið,“ sagði Amanda Diesen við Brides.com. Amanda og unnusti hennar Todd Krieg ákváðu að tilkynna meðgönguna með myndinni hér fyrir neðan á miðvikudaginn og hefur myndin slegið í gegn á netinu.

Todd var atvinnumótorhjólakappi áður en hann lenti í slysi 2014 sem gerði hann lamaðan fyrir neðan mitti. Hann var sendur á endurhæfingarstöð í Kaliforníu eftir slysið og kynntist þar Amöndu. Hún var iðjuþjálfinn hans og var fyrst „svo hrædd að vera ófagmannleg og reyna við skjólstæðing“ þrátt fyrir að finnast hann „svo myndarlegur.“  Eitt kvöldið sagðist hann svo vera hrifinn af henni og í kjölfarið flutti hún til Ohio til að vera með honum eftir að hann var útskrifaður úr endurhæfingu.

Þegar kom að þeim tímamótum hjá parinu að þau voru að spá í barneignum þá sögðu læknar að náttúrulegur getnaður væri erfiður vegna lömunar hans. Þess vegna stendur „It still works!“ eða „Það virkar ennþá!“ á myndinni.

Æðislega skemmtileg tilkynning um meðgöngu sem átti ekki að vera möguleg, við hjá Bleikt óskum þeim innilega til hamingju!