David Duke, fyrrum leiðtogi Ku Klux Klan, er ósáttur við ástarlíf Chris Evans, sem leikur Captain America. Það lítur út fyrir að David Duke sé mikill aðdáandi Chris Evans og var að leita að myndum af honum á netinu þegar hann sá myndir af Chris með konum sem voru af öðrum kynþætti en hvítar.
Fyrir þennan fyrrum leiðtoga KKK sem trúir á yfirburða hvíta var þetta mikið hneyksli og ákvað hann að tjá sig um það á Twitter. Hann sagði að Chris hataði hvítar konur og merkti færsluna með #WhiteGenocide, eða „hvítt þjóðarmorð.“
https://twitter.com/DrDavidDuke/status/830820650482880512?ref_src=twsrc%5Etfw
„Af hverju hatar Chris Evans, sá sem leikur ofurhetju af gyðingarættum Captain American, hvítar konur svona mikið? #HvíttÞjóðarmorð“
Leikarinn hefur verið duglegur að tjá pólitískar skoðanir sínar á Twitter, í grundvallaratriðum þá þolir hann ekki Donald Trump og stefnur hans. Chris svaraði David Duke á Twitter en ekki með hatri og reiði, eins og væri mjög auðvelt að gera í svona aðstæðum, heldur svaraði honum meistaralega með skilaboðum um ást.
I don't hate them. That's YOUR method. I love. Try it. It's stronger than hate. It unites us. I promise it's in you under the anger and fear https://t.co/RGnH4rrblq
— Chris Evans (@ChrisEvans) February 13, 2017
„Ég hata þær ekki. Það er þín aðferð. Ég elska. Prufaðu það. Það er sterkara en hatur. Það sameinar okkur. Ég lofa það er í þér undir reiðinni og óttanum.“
Vel gert Chris Evans að dreifa boðskap ástar og jafnréttis, við elskum þig!
