Marta María Jónasdóttir, fréttastjóri dægurmála hjá mbl.is og keisarynjan af Smartlandi, er á leið í hnapphelduna. Hún hefur nú trúlofast kærastanum Páli Winkel fangelsismálastjóra, en þau hafa átt í sambandi síðan á haustmánuðum 2015. Þau hafa verið dugleg að ferðast saman og birta gjarnan fallegar kærustuparamyndir á samfélagsmiðlum.
Marta hefur breytt sambandsstöðu sinni á Facebook – og ekki lýgur facebook!
Það gerir Vísir ekki heldur- en fyrr í dag birtist þar frétt um ráðahaginn með skjáskoti af facebook síðu fangelsismálastjórans sem sýnir tilkynningu hans um trúlofunina.
