Síðan Kim Kardashian var rænd á hótelherbergi sínu í París 3.október í fyrra þá hafa margir kennt henni um atvikið með einhverjum hætti, sumir gengu svo langt að segja að hún hafi sviðsett ránið. Fólk gaf upp ýmsar ástæður fyrir því af hverju ránið hafi verið henni að kenna, allt frá því að vegna þess að hún var ekki með lífvörð hjá sér þegar ránið átti sér stað í að hún lifði lúxuslífi og deildi myndum af auðæfum sínum á samfélagsmiðlum. Margir gáfu til kynna að hún átti „skilið“ að vera rænd og kenndu henni um atvikið.

Sem betur fer er Kim með gott og sterkt bakland og fær hjálp við að verjast þessum skelfilegu ásökunum, en Khloé Kardashian var í viðtali á dögunum þar sem hún stóð upp fyrir systir sína. Í viðtali við Today í vikunni var Khloé spurð hvort að ránið væri „vakning“ fyrir fjölskylduna til að átta sig á því að það fylgja „afleiðingar“ að lifa svona „opinberu og félagslegu“ lífi. Khloé svaraði þessari heimskulegu spurningu meistaralega.

„Ég trúi því ekki að fólk sem sýnir lífið sitt meira eigi skilið, eða eigi að hafa þær afleiðingar, að vera rænd.“

Hún bætti við að öll upplifunin í kringum ránið hefur verið mikið áfall fyrir alla fjölskylduna.

„Þetta er ógnvekjandi og skelfilegt, en þá ferðu niður á skeljarnar og biður til Guðs og þakkar honum fyrir að ekkert verra gerðist.“

Hún sagði að fjölskyldunni væri létt eftir að fréttir bárust af 17 handtökum tengdum ráninu fyrr í þessari viku. Í öðru viðtali þessa vikuna þá tilkynnti Khloé að nýja þáttaröð Keeping Up With The Kardashians myndi vera öðruvísi en fyrri seríur þar sem að þáttaröðin sýnir fjölskylduna takast á við afleiðingar ránsins.

„Þessi þáttaröð er öðruvísi, því það er svo margt raunverulegt, allt er raunverulegt. Enginn myndi spá fyrir ráninu, svo margt af því mun vera sýnt. Hún mun vera mjög tilfinningarík og alvarleg,“

sagði Khloé við Extra. Hér fyrir neðan má sjá smá brot úr þáttunum sem byrja í sýningu í mars.

Sjá einnig:

Fyrstu fréttir frá Kim Kardashian West: „Þarf að taka mjög nauðsynlegt hlé“

Myndband af Kim í íbúðinni eftir árásina birt á netinu – Samsæriskenningar út frá ástandi hennar

Myndband: Augnablikið sem Kanye West yfirgaf sviðið – Kim Kardashian rænd á hótelherbergi

Hugsanlegt að bílstjóri Kim hafi tekið þátt í ráninu í París