Melissa Lee Matos hefur verið í bata frá eiturlyfjafíkn síðastliðið eitt og hálft ár. Hún ákvað að deila myndum af sér þegar hún var sem langt leiddust af fíkninni til að hjálpa öðrum í sömu sporum.
„Of margir eru að deyja. Ég á vini sem þurfa að sjá þetta,“ skrifar hún í færslu á Facebook. Það hafa yfir 54 þúsund manns deilt færslunni. Melissa útskýrir hvernig í mörg ár hana langaði að deyja. Hún eyddi mörgum dögum og nóttum í sjálfgerðu dái eftir að hafa neytt of mikið af fíkniefnum.
„Svona leit ég út daglega í mörg ár. Þetta er það sem eiginmaðurinn minn var að kljást við. Þetta er það sem litlu stelpurnar mínar komu að. Þetta er það sem fjölskyldan mín og vinir sáu þegar ég fór út úr húsi, sem var mjög sjaldan. Ég var VEIK. Ég var að DEYJA. Ég var svo langt leidd að ég hélt að ég gæti aldrei farið til baka. Ég var svo týnd að ég gat ekki ímyndað mér líf án þess að nota. Ég vildi bara deyja. Ég áttaði mig ekki á því að ég var varla lifandi,“
skrifar Melissa.
Hún vinnur nú hjá góðgerðastofnun við að hjálpa heróínfíklum ná bata. Svona hljóðar lýsing hennar á sér sjálfri þegar hún var að sprauta sig:
„Sprautufíkill með svo grimman ávana að hún eyddi dögum og nóttum í sjálfgerðu dái á baðherbergisgólfinu. Stelpa sem eyddi hverri krónu í fíkniefni og gleymdi að hún ætti börn sem hún þurfti að hugsa um og gefa að borða. Stelpa sem missti allt sem hún einhvern tíman átti. Stelpa sem var svo veik að hún hélt að hún gæti aldrei fundið leið út, þangað til hún gerði það.“
