Kæri getnaðarlimur
Takk fyrir allar góðu stundirnar. Og þær slæmu. Þú hefur komið mér í margar erfiðar aðstæður í gegnum tíðina en hefur einnig leitt mig á staði sem ég hélt aldrei að ég myndi koma á og hvað þá að troða þér í. Án þín væri ég ekki sá maður sem ég er í dag, hvort það er gott eða slæmt leyfi ég öðrum að dæma um.
Ég man ekki hvenær ég fór fyrst að pæla í þér en þegar komið var í unglingadeild grunnskóla þá vorum við orðnir nánir vinir, lékum saman nánast daglega og hefur það haldist allt til dagsins í dag. Það er órjúfanlegur hluti af degi mínum að leika við þig eða að leyfa öðrum að gera það, þeim til mikillar gleði oftast nær. Svo ekki sé nú minnst á ánægjuna sem ég fæ út úr því.
Ég er svo vel gerður frá náttúrunnar hendi að þú ert yfir meðalstærð. Líkami minn er sannarlega ekkert musteri en þú ert eitthvað sem ég hef verið ánægður með alla tíð. Þú hefur gefið mér sjálfstraust þegar ég var lítill í mér því þú ert það aldrei. Alltaf til í tuskið, stundum of æstur í ævintýrin sem hefur komið í bakið á mér síðar meir. En án þeirra væri ég ekki sá sem ég er í dag.
Það er þó ekki alveg satt. Stundum hefur streitan og álagið meira að segja bitnað á þér. Þá notar maður bara munninn. Það er mikilvægt að kunna að nota hann líka.
Takk fyrir allt saman og ég hlakka til að feta ótroðnar slóðir með þér í framtíðinni. Munum bara að setja öryggið á oddinn.
Þinn Jón
